Këngëtarja Soni Malaj, e cila konkurron tek edicioni i 18-të i “Këngës Magjike” me “Për vete më mbaj” që u shoqërua nga një performancë mjaft e bukur në skenë, shprehet e zhgënjyer për gjithçka po ndodh prapa skene.
Pavarësisht pëlqyeshmërisë dhe më shumë se 500 mijë klikimeve që ka arritur të marrë në “Youtubë”, këngëtarja tregon për “Bluetooth” se e kanë bojkotuar. Sipas saj janë dy emra që po favorizohen më së shumti, ndërkohë që është urdhëruar të mos shkruhet për të, të mos favorizohet.
“Më kanë thënë që megjithëse kam qenë surpriza e këtij edicioni, nuk shkruajnë dot për mua, sepse ua kanë ndërprerë. Kam parë lajmet ku jam anashkaluar, thuhej vetëm që mora pjesë. Ma thanë edhe të tjerë dhe po shoh që po bëhet shumë lojë e pistë.”, është shprehur këngëtarja.
Discussion about this post