Një sasi prej 1.5 ton lëndë narkotike e llojit “marijuanë” me vlerë 15 milionë euro është sekuestruar së fundmi në brigjet e Barit në Itali.
Operacioni u krye nga Guardi di Finanza, në bashkëpunim me një helikopter të Agjencisë Europiane “Frontex” dhe autoriteteve shqiptare që sinjalizuan në kohë autoritetet italiane.
Mediat italine bëjnë me dije se në gomonen 10 metra e gjatë, me motorë me nga 350 kuaq fuqi secili, e cila u kap disa metra larg brigjeve të Barit, u gjetën dhe sekuestruan 1.5 ton marijuanë.
Policia italiane vuri në pranga 3 shtetas shqiptarë, identiteti i të cilëve nuk bëhet i ditur, me moshë 26, 34 dhe 42 vjeç.
