Aurela Gaçe ka sjellë në jetë vajzën e saj të dytë Abigail ditën që do të duhet të hapte festivalin ”Kënga Magjike” me ”Akoma jo” si fituese e edicionit të kaluar.
Por duke qenë se ndodhej në spital, Ardit Gjebrea dhe Elia Zogu i bënë dhuratën që ajo e vlerëson pa masë dhe po kaq shumë dashurinë që i fal publiku.
Fjalët e zemrës së Aurelës:
Nga t’ja nis më parë? Dua ta nis ditën me një lutje për gjithë ato çifte që presin të bekohen me një fëmijë. Lutem, lutem me shpirt. ..
Atë ditë isha shumë e lodhur, por di që ndjeva një emocion kaq të bukur kur pashë këtë urim nga skena, kaq njerëzor ky moment.
Nuk ndodh përditë që të hap një Festival, të më duhet të jem në skenë e në të njëjtën kohë të sjell në jetë një jetë. E për Abigail do të jetë një kujtim kaq i bukur. Faleminderit Elia dhe Ardit Gjebrea për këtë dhuratë kaq të ndjerë.
Dua t’ju falenderoj të gjithëve ju për një lumë urimesh, jam mahnitur nga gjithë dashuria juaj. Megjithëse në rrjetet sociale ne nuk njihemi personalisht, ju përsëri më keni falur nga koha juaj me gjithë këto urime kaq dashamirëse..
Dua shumë t’ju uroj me shpirt të keni bekime e shumë shumë dashuri në familjet tuaja. Nëse edhe ju keni pasur lindje fëmijësh këto ditë, dua t’ju uroj që të rriten pranë prindërve.
Faleminderit miqtë e mi e familjarë. Telefoni u ndez flakë nga mesazhet e bukura. Kjo dashuri për mua vlen më shumë se çdo dhuratë.
https://youtu.be/PZVgS6yFPso
Discussion about this post