Pas 8 Dhjetorit, është edhe krijimi i partisë së parë opozitare në Shqipëri, Partisë Demokratike. Në kujtesë të ngjarjeve të dhjetorit 1990, kreu i opozitës Lulzim Basha njofton aktivitetin e përgatitur nga forca politike që ai drejton.
Përmes rrjeteve sociale ai ka njoftuar aktivitetin që do të shënojë edhe përvjetorin e krijimit të Partisë Demokratike.
Ftesën ia drejtoi qytetarëve të thjeshtë, me një kërkesë të vetme: “të kujtojnë e reflektojnë mbi ngjarjet e 26 viteve më parë”.
“Më 11 dhjetor ne përkujtojmë lindjen e pluralizmit politik dhe Partisë demokratike. Jam i lumtur t’ju ftoj e t’ju pres në shtëpinë e Partisë Demokratike për të kujtuar e reflektuar së bashku mbi keto ngjarje”.
Ditën e dielë selia blu do të jetë e hapur për të gjithë ata që zgjedhin ta vizitojnë nga ora 11:00 deri në 13:00 pasdite, në kujtesë të 11 dhjetorit 1990, ku 194 studentë, të mbështetur nga pedagogë e intelektualë, hodhën firmën për krijimin e partisë së parë opozitare.
Discussion about this post