Ndryshime në Facebook. Çfarë do ndryshojë në profilin tuaj?

Facebook, një nga rrjetet sociale më të përdorura në botë pritet të bëjë disa ndryshime.

Këto ndryshime do të ndodhin në hapësirën e komenteve të cilat me ndryshimin e ri do t’jua thjeshtësojnë punën përdoruesve.

Pra kur dikush do të komentojë në një postim tuaj, replikon në komentin tuaj apo ju etiketon në një koment, ju nuk do të largoheni nga faqja kryesore duke humbur kështu postimet që po shikonit por do t’ju hapet automatikisht një dritare e re në desktop. Këto dritare hapen siç hapen bisedat në aplikacionin e Messengerit.

Facebook ka konfirmuar ndryshimin, por ka bërë të ditur se vetëm një numër i përdoruesve ka patur mundësi t’i shohë këto ndryshime. Megjithatë, Facebook nuk ka dhënë një informacion të saktë se kur ndryshimi do mund të jetë i vlefshëm për të gjithë përdoruesit.