Luftëtari shënoi fitore 2-3 ndaj Vllaznisë në Shkodër dhë për këtë trajneri Milinkoviç është shprehur tepër i lumtur, ku nuk kanë munguar dhe përgëzimet ndaj lojtarëve.
“Ishte një lojë shumë e mirë për të dy skuadrat, por besoj se i merituam 3 pikët. Publiku e miratoi këtë gjë me duartrokitje në fund të ndeshjes. Kishim mundësi për ta mbyllur ndeshjen përpara, pastaj pasi shënuam deri në minutën e fundit e patëm të vështirë të ndalonim vllazninë për të barazuar. Para ndeshjes i thashë skuadrës që do të fitojë skuadra që do të shënojë 3 gola. E ndjeja gjatë rrugës që do të ishte një ndeshje shumë e bukur. Jemi me fat që ne i shënuam tre golat dhe i morëm 3 pikët”
Ekipi
“Mendjen e kemi te mbijetesa. Për momentin jemi në rrugë të mirë për ta arritur këtë objektiv të parë. Nuk ka për të ndryshuar objektivi ynë derisa të grumbullojmë pikët e mjaftueshme për të qëndruar në këtë Ligë. Pasi gara është e vështirë pasi janë dhe edhe ekipe të tjera me ne afer në garë si teuta dhe Flamurtari”.
