Humbja në shtëpi ndaj Luftëtarit e ka mërzitur trajnerin e Vllaznisë, Armando Cungun. Tekniku i shkodranëve i’a adresoi fajin mungesës së lojtarëve të rëndësishëm në këtë takim ku ndikuan shumë në lojë.
“Normalisht që humbja është e hidhur. U goditëm në momentin më të mirë. Pak a shumë kam qenë i vetëdijshëm për rrezikun që mund të na sillte kjo ndeshje. Në këto kushte kjo është Vllaznia. Ju e patë që gjatë 90 minutave, ndërrimet nuk është se sjellin ndonjë freski apo ndryshim. Kjo është situata dhe normalisht do të mundohemi ta përballojmë me këtë grup kontigjent që kemi. Sot nuk pashë vetëvlerësim te djemtë, u munduan të reagojnë, se nuk është e lehtë të nisim lojën në disavantazh”
Mungesat
“Mungesat ndikuan shumë, Bicaj në mbrojtje dhe Krymi në mesfushë, një lojtar i tillë i munguar në lojë ndikon shumë të Vllaznia. Duhet të tentojmë të marrim maksimumin ndeshje pas ndeshje. Nuk duhet të fluturojmë me deklarata por të punojmë. Më shumë se e dua unë Vllazninë dhe të ngjitet në elitën e futbollit shqiptar siç ka qenë dikur nuk besoj se e do dikush tjetër. Duhet të mos harrojmë që kjo nuk është Vllaznia e Elitës së dikurshme”.
Discussion about this post