Shpërthimet jashtë stadiumit “Vodafone Arena” në Stamboll kanë shkaktuar të paktën 13 viktima. Kështu raporton agjencia e lajmeve “Reuters”, që citon burime brenda forcave të sigurisë turke.
Pak minuta me parë, ministri turk i Transportit, Ahmet Arslan ka thënë se ky ishte një sulm terrorist.
“Dënoj sulmin terrorist në Beshiktash, dëshiroj shërim sa më të shpejtë të lënduarve”, shkruan ai në Twitter.
Sa i përket të lënduarve, numri i tyre sipas mediave turke, shkon në mbi 20.
Shpërthimet ndodhën disa minuta pasi kishte mbaruar ndeshja e Superligës turke mes Besiktas dhe Bursaspor.
Discussion about this post