200 kilogramë drogë në Durrës, identifikohet drejtuesi i mjetit

Një sasi e konsiderueshme prej 200 kilogramë kanabis u gjet dhe sekuestrua mbrëmjen e djeshme në portin e Durrësit.

Mësohet se lënda narkotike ishte e ndarë në 143 pako dhe u gjet në pjesë të ndryshme të karrotrecit tip “Skania”. Mjeti do të imbarkohej në tragetin e linjës Durrës-Ancona.

Policia vuri në pranga drejtuesin e mjetit, shtetasin Ilirjan Byberi, mbi të cilin rëndon akuza e trafikut të drogës. Ndërkohë vijojnë hetimet për zbardhjen dhe kapjen e të tjerëve të implikuar në ktë trafik lëndësh narkotike.