Kryetari i Partisë ‘’LIBRA’’, Ben Blushi duke folur për zgjedhjet në Maqedoni paralajmëroi një erë të re ndryshimesh jo vetëm për Ballkanin. Ai e ka konsideruar fillimin e fundit dhe u shpreh se edhe pse u mbajtën zgjidhje nuk ka zgjidhje realisht. Ai ka thënë se Ballkani shumë shpejt do të ketë një klasë të re.
‘’ZGJEDHJET NË MAQEDONI JANË FILLIMI I FUNDIT. Zgjedhjet në Maqedoni nuk kanë fitues.Të gjitha partitë tradicionale kanë humbur. Nuk janë zvogluar si maqedonas, as si shqiptarë por si të vjetër. Kjo do të thotë, se në Maqedoni pati zgjedhje por nuk pati zgjidhje. Megjithatë për Ballkanin ka një lajm te mirë. Rezultati i Maqedonisë tregon, se ajo që nuk duket po vjen. Ky është fillimi i fundit. Për disa vjet në Ballkan do kemi klasa te reja politike. Një Pranverë Ballkanike është duke lindur gërmadhash!’’, ka mbyllur Blushi reagimin.
