Anëtarët e Komisionit Shtetëror të Zgjedhjeve në Maqedoni kanë njoftuar se prej më shumë se 8 orësh nuk ka asnjë gjurmë të kryetarit të KSHZ-së, Aleksandar Çiçakovski.
Sipas portalit TetovaSot, Çiçakovski në mesditë shkoi në shtëpi për të pushuar dhe lajmeroi se do të kthehet në orën 19, për të mbajtur konferencë për shtyp dhe të do të verifikojë mandatet, por që atëherë nuk është paraqitur më.
“Jemi përpjekur ta marrim përmes telefonit, pothuajse të gjithë anëtarët e kemi kërkuar në të dy numrat e tij të telefonit, por ai nuk paraqitet. Ne u përpoqëm ta marrim përmes gruas së tij por ajo na tha se ai nuk ka shkuar në shtëpi”, tha një anëtar i KSHZ-së.
Ai shton se që nga ky mëngjes, Çiçakovski sillej çuditshëm, sikur të ishte nën ndonjë kërcënim.
“Ishte e habitshme se në mes të ditës ai shkoi të pushojë, dhe në mëngjes kishte pamje shumë të çuditshme në fytyrën e tij – sikur të frikësoj nga diçka. Ne jemi të frikësuar se dikush e ka kidnapuar që mos të publikojë mandatet, nëse nuk na kontakton do ta paraqesim në polici”, tha ky burim nga KSHZ-ja.
Discussion about this post