Donald Trump zgjedh Sekretarin amerikan të Shtetit. Flitet për një marrëdhënie të ngushtë me Putin

Presidenti i ri i Shteteve të Bashkuara të Amerikës, Donald Trump, ka zgjedhur sot Sekretarin amerikan të Shtetit.

Rex Tillerson do të mbajë postin e Sekretarit amerikan të Shtetit, duke zënë kështu vendin e John Kerry gjatë qeverisjes së Obamës. Tillerson është drejtori Ekzekutiv i korporatës së naftës “Exxon Mobil”.

Në një deklaratë për mediat, presidenti Trump vlerësoi pozitivisht figurën e Tillerson. Ai tha: “Rex Tillerson është një ndër liderët më të realizuar në biznes.” Thuhet se Millerson ka marrëdhënie shumë të mira me presidentin rus Vladimir Putin, çka ka alarmuar disa republikanë.

“Jam i shqetësuar. Është shumë mirë e ditur se ai ka marrëdhënie shumë të ngushta me presidentin rus, Vladimir Putin”, – është shprehur republikani John McCain, kryetar i Komitetit të Forcave të Armatosura të Senatit të SHBA-së.

Emërimi i tij si Sekretar amerikan i Shtetit ka nevojë për miratimin e Senatit.