Nesër në ora ora 17.00, në Stadiumin e qytetit të Korçës, zhvillohet ndeshja e futbollit Skënderbeu-Tirana.
Lidhur me këtë, Policia e qytetit juglindor ka marrë masat për garantimin e zhvillimit normal të kësaj ndeshjeje.
Masat e Policisë së Korçës:
- Ndalimi i qarkullimit dhe parkimit të automjeteve, nga ora 12.00 e datës 14.12.2016, deri në përfundim të ndeshjes, në rrugën “Niko Kovaçi” dhe unazën përreth Stadiumit.
- Po ashtu nuk do të lejohen tregëtarët ambulantë në këtë unazë dhe në lulishtet përpara dhe pas Stadiumit.
- Do të ndalohet përdorimi i pijeve alkoolike, shisheve të qelqit, fishekzjarreve, materialeve të tjera piroteknike, si dhe mbajtja e çelësave, çakmakëve, monedhave metalike dhe objekteve të tjera të forta të ndaluara në mjediset e Stadiumit.
- Nuk do të lejohet hyrja në Stadium e fëmijëve nën moshën 14-vjeç, edhe nëse janë të shoqëruar dhe pajisur me biletë.
- Qytetarët që janë pajisur me biletë, të marrin masa për paraqitjen në ambjentet e Stadiumit përpara fillimit të ndeshjes, duke llogaritur dhe kohën e procedurave të kontrollit, pasi në orën 17.00, do të ndalohet hyrja e mëtejshme në Stadium.
“Drejtoria Vendore e Policisë Korçë i kërkon qytetarëve/tifozëve, një sjellje korrekte, të kulturuar, si edhe shmangien e veprimeve të cilat do të cënonin rendin publik. Duke ju falenderuar për mirëkuptimin”, thuhet në njoftimin për shtyp të Policisë.
Discussion about this post