Kryeministri Edi Rama organizoi pritjen e fundvitit me ambasadorë. Në këtë takim i cili vazhdon ende, Rama foli për stabilitetin dhe sigurinë e rajonit dhe të Europës dhe ka theksuar se Kosova luan rol kyc në këtë proces.
“Qasjet tona mund të mos jenë të njëjta por armiku i të gjithëve në këtë sallë vazhdon të jetë terrorizmi, sfida për paqen dhe sigurinë e përbashkët. Ky armik mund të ndalet vetëm me një Europë të Bashkuar, dhe Kosova që ende është jashtë BE-së luan rol kyç për vetë sigurinë e BE-së.”, është shprehur kryeministri i cili shtoi se i vjen turp që Kosova është akoma jashtë BE-së.
Ndër të tjera, kryeministri shtoi se kemi një atmosferë ndërveprimi me fqinjët, ku mbi të gjitha foli edhe për zgjedhjet në Maqedoni, dhe u bëri thirrje partive fituese të mos përçahen me njëri tjetrin, por të bashkohen për një qëllim të përbashkët.
“Programi i qeverisë së re të futet në kornizën e Marrëveshjes së Ohrit. Partitë nuk janë të detyruara të bien dakort për gjithçka dhe të bashkohen në një kamp, por ama të flasin dhe të bien dakort për të vetmen gjë që nuk mund të ndajë, që është siguria dhe mirëqenia e qytetarëve.
Sipas kryeministrit Rama, ajo që na bashkon është më e fortë se ajo që na ndan.
Discussion about this post