Ilir Meta ishte i pranishëm në konferencën vjetore të Avokatit të Popullit, në cilësinë e kreut të Kuvendit të Shqipërisë. Në fjalën e tij, ai theksoi rëndësinë e reformës në drejtësi, duke u shprehur se nga zbatimi i saj varen të gjitha prioritetet.
Sipas kryeparlamentarit Meta, zbatimi i Vettingu-t është garanci për të Drejtat e Njeriut dhe garanci për sukses në të gjitha fushat.
“Forcimi i zbatimit të ligjit është shumë i rëndësishëm jo vetëm për të forcuar institucionin e Drejtësisë, por dhe një garanci për sukses. Nevojitet që të ndërtojmë aksionin politik me institucione të pavarura, ndaj duhet që Kushtetuesja të shprehet sa më shpejt për ligjin e Vettingu-t.
Në qendër të vëmendjes është ndjeshmëria ndaj problemeve sociale dhe Avokati i Popullit është një mbështetje e madhe për qytetarët që bëjnë të ditura tek ky institucion problemet e tyre.”, u shpreh ndër të tjera Meta.
Në përfundim, ai siguroi mbështetje të vazhdueshme ndaj këtij institucioni dhe iniciativat që ndërmerr.
Discussion about this post