Menaxheri i Hysajt: Elsi ikën në verë, i lumtur për shortin ndaj Realit

Mario Xhiufredi ka folur në një intervistë për “Tuttomercatoweb” rreth shortit të Napolit në Ligën e Kampionëve dhe lojtarët që ka nën menaxhim.

Agjenti i mbrojtësit të kombëtares shqiptare, Elseid Hysajt tha se shkodrani është i lumtur për përballjen ndaj Realit të Madridit në Champions League. Ndër të tjera ai foli dhe për të ardhmen e 22-vjeçarit duke thënë se ai do të vazhdojë të jetë pjesë e napolitanëve.

“Jam i sigurtë që Reali do të vuajë shumë ndaj Napolit, pasi napolitanët janë tepë të motivuar nga kundërshtari dhe nëse arrijnë ta mundin do të futeshin në histori. Mirëpo, duke e njohur Elseidin besoj se është tepër i kënaqur me shortin, pasi edhe vetë ai ka dëshirë të ndeshehet me kundërshtarë të fortë”.

E ardhmja e Hysajt

“Elsi është në formën e tij më të mirë, ashtu siç ishte në sezonin e shkuar. Uroj të vazhdojë të bëjë një kampionat të madh, pastaj në qershor shohim. Për momentin do të luajë për Napolin, nuk do të lëvizë në janar. Për të ardhmen e tij do të flasim gjatë merkatos së verës, por e sigurtë që ai do të largohet në një ekip të madh jashtë shtetit”.

 Memushaj

“Deri në janar duhet të mendojë për të shpëtuar Peskarën nga rënia, më vonë të shohim.”