Policia e Vlorës ka vënë në pranga 44-vjeçarin Eduard Alikaj (Edi Alikaj), i cili u raportua një ditë më parë se u përfshi në një konflikt fizik me punonjësit e parkingut që i kishin bllokuar gomën e mjetit.
Ditën e djeshme, policia dha dy njoftime të ndryshme nga njëra-tjetra, ndërsa sot bën me dije se binesmeni që njihej në Vlorë si bamirës së bashku me Hënes Dalipaj janë arrestuar nën akuzën e “Vrasje me dashje, e mbetur në tentativë”.
Në një intervistë për “Shuplaka”, ai ka treguar se si nisi konflikti me punonjësit e parkingut, të cilët nisën ta fyenin si mënyrë për të mbrojtur aktin e tyre të bllokimit. “U ktheva drejt tij për të sharat dhe kundër meje kanë qëlluar 4-5 veta që ndodheshin civila në mbrojtje të drejtuesit të ”TIS-PARK”-ut. basi m’u turrën 4-5 veta a më shumë, unë nuk kam parë më gjë. Kunati më ka mbrojtur duke u goditur me grushta me ta.”, ka treguar biznesmeni për portalin tonë.
Njoftimi i Policisë Vlorë
Policia ka arrestuar në flagrancë për veprën penale “Vrasje me dashje, e mbetur në tentativë, e kryer në bashkëpunim”, shtetasit:
1- Hënes Dalipaj, 30 vjeç, banues në Vlorë.
2- Eduard Alikaj, 44 vjeç, banues në Vlorë.
Policia ka bërë arrestimin e tyre, pasi më datë 15.12.2016, në lagjen “29 Nëntori” pas një konflikti midis palëve për shkak të parkimit të automjetit, situata është agravuar deri në përdorimin e mjetit prerës “thikë”, ku kanë mbetur të plagosur tre shtetasit F.V, Ç.V dhe F.V, jashtë rrezikut për jetën.
Gjithashtu, nga ky konflikt ka mbetur i dëmtuar fizikisht edhe një nga personat e arrestuar, shtetasi Eduard Alikaj, i cili ndodhet në Spitalin Rajonal.
[ngg_images source=”galleries” container_ids=”73″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post