Zëvendësministrja e lumtur, Erisa Xhixho ndan lajmin për 90 milionë eurot

Zëvendësministrja e Integrimit, Erisa Xhixho ndan e lumtur lajmin që sipas saj do të gëzojë qytetarët shqiptarë.

Bëhet fjalë për një financim prej 90 milion eurosh të hekurudhës Tiranë-Durrës.

”E lumtur të ndaj me ju lajmin e mirë që në Komitetin Drejtues në Londër të Instrumentit të Investimeve të Ballkanit Perëndimor (WBIF) konfirmon lajmin e mirë të aprovimit të projektit për bashkëfinancimin të Hekurudhës Tiranë-Durrës (nga 10 projekte vetëm 3 projekte u aprovuan ku Shqipëria ishte një prej 3 projekteve fituese).

Vlera totale e investimit është 90 milion euro, ku 36 milion euro është granti i përfituar nga Komisioni Europian. Urime Shqipërisë dhe ta gëzojnë qytetarët shqiptarë”, shkruan Xhixho.