Evakuimi i civilëve sirianë nga Alepp lindore po vijon ende, pas armëpushimit që u raportua një ditë më parë. Komiteti Ndërkombëtar i Kryqit të Kuq bëri me dije se vullnetarët vijojnë të jenë aktivë për të ndihmuar civilët e pambrojtur.
Sipas të dhënave të deritanishme, rreth 9.000 persona janë evakuuar deri tani, ndër ta rreth 3.000 gjatë së enjtes. Sipas mediave shtetërore ruse dhe siriane, ndër 9.000 të larguarit përfshihen edhe 108 të plagosur.
Megjithatë, Organizata e Kombeve të Bashkuara shprehet se më shumë se 50.000 civilë vijojnë të jenë të bllokuar.
Në një konferencë për mediat gjatë vizitës në Japoni këtë të premte, presidenti i Rusisë, Vladimir Putin, bëri thirrje për armëpushimin si një mënyrë për të vendosur paqen në Siri. Vendimi i një dite më parë për armëpushim, u përshëndet nga presidenti i Sirisë, Bashar al-Assad, i cili tha se ky “çlirim” vjen pas më shumë se katër vite luftimesh. “Historia është duke u bërë”, deklaroi Assad.
Mijëra njerëz, ndër ta një numër shumë i madh civilësh, burra, gra dhe fëmijë, janë vrarë gjatë luftimeve të ashpra.
[ngg_images source=”galleries” container_ids=”115″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post