Çfarë e bashkon ministrin Tahiri me DJ-të më të mirë të momentit (VIDEO)

Është një nismë sensibilizuese për fëmijët e sëmurë të policëve ajo që ka bërë bashkë Ministrin Tahiri dhe disa nga DJ-të më të mirë në vend. Fillimisht duket e çuditshme që njerëz që luajnë dhe merren me muzikë ritmike të gjenden në zyrën e Ministrisë së Brendshme, po nëse e ndjek videon deri në fund mund të kuptosh edhe qëllimin e takimit. 

Në datën 17 dhjetor (duke filluar nga ora 12:00, tek ish Blloku) do të bëhet një festë me muzikë nga DJ-të me të mirë ku do të mblidhen fonde për këta fëmijë.

Gjithkush është i lirë t’i bashkohet kësaj fëste në mënyrë që të ndihmohet sadopak në shërimin e tyre. Kjo është në vazhdën e aktiviteteve sensibilizuese dhe bamirëse që institucione të ndryshme organizojnë në kuadër të festave të fundvitit.