Disa segmente rrugore në Tiranë do bllokohen sot edhe nesër për shkak të një aktiviteti të organizuar nga Ministria e Punëve të Brendshme.
Para disa ditësh, ministri Saimir Tahiri lançoi nisjen e aktivitetit “Ti je heroi ynë”, që synon t’i vijë në ndihmë familjeve të punonjësve të policisë që janë në nevojë. Festa në ndihmë të tyre do të nisë në orën 12:00 në zonën e Bllokut dhe do të përfundojë në darkë.
Segmentet rrugore që do bllokohen janë nga rruga “Ibrahim Rugova”, nga kryqëzimi me Bulevardin “Bajram Curri”deri tek rruga “Ismail Qemali”.
Bllokimi do nisë që sonte nga ora 20:00 dhe do vazhdojë deri mbrëmjen e nesërme në 23:00.
Më poshtë keni një video të publikuar nga Tahiri, lidhur me këtë aktivitet.
Discussion about this post