Kryeministri Edi Rama është futur sërish në replika me fansat e tij në Facebook, këtë radhë për të mbrojtur kryetarin e Bashkisë së Durrësit, Vangjush Dakon.
Një komentues i intriguar nga lirimi i të dënuarit për vrasje Lulzim Berisha, i ka shkruar Ramës në Facebook që të mos bëjë show por punë.
“Dëshira për ta bërë këtë vend duhet të jetë reale dhe jo duke bërë show, ku e ke Lulzim Berishën, një vrasës që e nxjerrin nga burgu me ceremoni dhe e presin si hero dhe tjetrin në sarandë që i çoni policin si kofini pas të vjelit. Kështu nuk të fut njëri as në Afganistan dhe jo me në Europë, duhet të presim dhe shumë”, shkruan qytetari.
Por kryeministri ia ktheu: “Lulzim Berishën e nxorrën nga burgu gjykatësit dhe Lulzim Bashës që të tregon ty përralla me gogolin e qeverisë, thuaji si ka mundësi që e mban bllokuar vetingun për ata gjykatës dhe nuk e hap hiç gojën kundër tyre, po shpif për kryetarin e bashkisë së Durrësit sikur e ka fajin ai që doli Lulzimi tjetër nga burgu?! Kështu që nëse e do aq shumë Shqupin sa të të marrin për budalla është e drejta jote, po nëse s’do që të të marrin për budalla atëhere kuptoje që fajin e kanë gjykatësit jo gogoli.”
Debati mes komentuesit dhe Ramës ka vazhduar akoma derisa kanë ndërhyrë edhe persona të tjerë.
Më poshte keni foton me replikat:
[ngg_images source=”galleries” container_ids=”135″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
