Nëse ju bie rasti të shkoni në urgjencën e Fushë-Krujës mos harroni, ilaçet blijini vetë pasi aty nuk ka. Këtë ka denoncuar në “Fiks Fare” një qytetare.
Madje, si provë ajo ka treguar një recetë të vulosur dhe firmosur nga mjekja që shërben në këtë qëndër. Sipas recetës të vulosur dhe firmosur nga mjekja, qytetarja ka blerë fiziologjikun, buscopanin, madje thotë se ka blerë edhe age e shiringa.
“Fiks fare” e ka verifikuar këtë problematikë.
Kryeinfermierja Majlinda Halili tregoi në dhomën e barnave se kishte fiziologjik dhe buscopan. Pyetjes së gazetares, pse qytetarja ishte detyruar me një recetë t’i blinte, Halili heshti.
Mungesa e aparaturave është e qartë edhe EKG-ja, e cila gjendet, nuk është vënë në funksion pasi, sipas kryeinfermieres, nuk ka ambiente ku mund të vendoset.
Discussion about this post