Zaev i kundërpërgjigjet Gruevskit: Koha jote mbaroi!

Kryetari i LSDM-së, Zoran Zaev, i është kundërpërgjigjur Nikolla Gruevskit, duke i thënë se koha e tij ka mbaruar.

Zaev u shpreh se shumica dërmuese e qytetarëve votuan për ndryshimin, por sipas tij, kjo është e vështirë të pranohet nga partia e Gruevskit.

“Të nderuar qytetarë, Mos lejoni që të bini pre e provokimeve nga kushdo, përfshirë edhe atë që për 10 vjet qeverisi me Maqedoninë. Koha e tij ka mbaruar. Institucionet duhet të përfundojnë punën e tyre në pajtim me kushtetutën dhe ligjet. Vendimet e gjykatës nuk përcakton se kush formon qeverinë, por ato janë të rëndësishme për shkak të vërtetës dhe fakteve. Shumica dërmuese e qytetarëve, mbi 600 mijë njerëz votuan për ndryshime. Ndryshimet do të ndodhin, pasi ky është proces i pandalshëm edhe pse VMRO-DPMNE e ka shumë të vështirë që ta pranojë një gjë të tillë. Ndryshimi është i shëndetshëm për çdo vend, edhe për Maqedoninë”, shkruan Zaev në rrjetet sociale. 

Gjatë ditës së sotme, Gruevski ka kërcënuar se partia e tij nuk do t’i pranojë rezultatet zgjedhore, nëse Gjykata Kushtetuese vendos për rimunërimin e votave.