Policia e Tiranës ka vënë në pranga një të ri 20-vjeçar që akuzohet se ka përdhunuar një shtetase 37 vjeçe me të cilën sapo ishte njohur. Arrestimi i tij është kryer pas denoncimit në polici të 37-vjeçares me iniciale L. R.
Referuar burimeve të policisë, i riu F. A. 20 vjeç dyshohet se më 9 dhjetor 2016 ka kryer marrëdhënie seksuale me dhunë me denoncuesen, pa pëlqimin e saj. Në kallëzimin penal të datës 16.12.2016 në komisariatin nr.1 të Policisë Tiranë, e39-vjeçarja ka shprehur pretendimet se pas njohjes së tyre në një bar, i riu e ka ndjekur deri në banesën e saj dhe më pas ka ushtruar marrëdhënie seksuale me dhunë.
Materialet procedurale për këtë rast iu kaluan Prokurorisë pranë Gjykatës së shkallës së parë Tiranë, për veprën penale “Marrëdhënie seksuale me dhunë me të rritura”, parashikuar nga Neni 102 i Kodit Penal.
Discussion about this post