Presidenti aktual i Shteteve të Bashkuara të Amerikës, Barack Obama është i bundur se urdhri për sulmet kibernetike gjatë fushatës presidenciale ka ardhur nga maja e piramidës ruse të pushtetit, raportojnë mediat botërore.
“Në Rusi nuk ndodh gjë pa miratimin e Vladimir Putinit. E kemi thënë dhe unë e konfirmoj se urdhri për sulmet kibernetike vjen nga nivelet më të larta të qeverisë ruse. Po jua lë ta vendosni vet nëse ka zyrtarë të lartë rusë që rebelohen, e vendosin me mendjen e tyre të ndërhyjnë në procesin e zgjedhjeve në Shtetet e Bashkuara të Amerikës pa dijeninë e Vladimir Putinit”, tha Obama.
Por Rusia vazhdon t’i mohojë këto akuza të Uashingtonit. Zëdhënësi i VladimirPutinit, kërkon prova ndaj Amerikës për pretendimet e saj, ose në të kundërt ai i kërkoi që të mbyllë gojën.
Sipas Reuters dy zyrtarë të lartë të administratës amerikane thonë se edhe FBI-ja e mbështet bindjen e CIA-s se Rusia ka ndërhyrë për të ndihmuar fitoren e Donald Trumpit.
Trump këmëngul se këto akuza janë pavërveteta. Po kështu është e qartë se Kremlini donte Trumpin si president. Në të vërtetë, miliarderi ekscentrik nuk po shprehet tani me aq simpanti sa në fillim kundrejt Moskës.
“Ndoshta do të kemi marrëdhënie të mira. Ndoshta do të kemi marrëdhënie të tmerrshme, por mbase do të kemi dhe ndonjë gjë të ndërmjetme”, është shprehur Trump në daljen e tij publike.
Discussion about this post