Varfëria është ulur këmbëkryq në shumë familje shqiptare, por nëse mendoni se në Tiranë nuk ka të tilla gaboheni rëndë.
Rasti më i fundit vjen pikërisht nga kryeqyteti shqiptar, ku një nënë bashkë me fëmijën e saj të mitur, ka zgjedhur të jetojë brenda një kabine elektrike, e cila jo vetëm që nuk i mbon nga i ftohti por i rrezikon çdo minutë jetët.
Siç raporton Jeta Oshq Qef, denoncimi është bërë nga një qytetar, i cili rastësisht kishte zbuluar se në rrugën “Astrit Losha”, në zonën e Unazës, jeton kjo familje në varfëri ekstreme.
“Kjo fotoja është bërë në rrugën “Astrit Losha” te Astiri. Kjo është një gabinë elektrike. Në mesnatë po vija në shpi dhe dëgjova të qara fëmijësh. Nuk ia vura shumë veshin dhe u largova, por tani kur po dilja dëgjova prapë të qara. U afrova dhe dëgjova një grua që i thoshte “mos qaj të keqen mami”. I flas asaj zonjës. I thashë “ç’bën aty?”, e më thotë “Kjo është shtëpia ime. Unë këtu jetoj”. Aty ka shumë korrent. Ika në shtëpi, mora një batanije dhe ia dhashë asaj gruas. Nuk më foli asgjë. I thashë: “A s’ke ku të rrish sepse aty ka shumë korrent dhe rrezikoheni”. S’më foli, vetëm mbylli atë derën e llamarinës. Mendoj se duhet të shkojë dikush aty nga autoritetet përkatësë, bashkia apo ku ta di unë”, thotë i shqetësuar qytetari.
Shpresojmë në reagimin e institucioneve përgjegjëse… (A.R/SHUPLAKA)
[ngg_images source=”galleries” container_ids=”175″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post