Një zyrtar i Organizatës së Kombeve të Bashkuara ka bërë me dije se kanë rinisur evakuimet në Aleppo-n lindore. Dhjetëra autobusë dhe autoambulanca kanë lënë qytetin sirian.
Të paktën rreth 350 persona raportohet se janë larguar gjatë orëve të vona të së dielës duke krijuar një karvan të gjatë njerëzish dhe automjetesh. Ndërkohë që mijëra të tjerë janë duke pritur të lenë Aleppo-n.
Këshilli i Sigurimit të OKB-së bëri me dije se arritur një kompromis që lejon OKB-në të monitorojë situatën. Më parë, shteti rus hodhi poshtë një plan francez të dërguar nga zyrtarët e OKB-së, duke e cilësuar si “katastrofë”.
Përpjekjet për evakuim u rëzuan gjatë së premtes për shkak të prishjes së armëpushimit. Situata në qytetin sirian është rënduar së tepërmi për shkak të mungesës së rezervave ushqimore dhe mjekësore në qytetin sirian.
Megjithatë, pavarësisht incidenteve të shënuara të dielën, mjetet që transportojnë civilët e Aleppo-s nisën të largohen nga qyteti. (XH.A/SHUPLAKA)
Discussion about this post