”Tirana Bank” në kryeqytet ka rënë pre e grabitjes me armë. Mësohet se grabitja ka ndodhur tek “21 Dhjetori”, sapo u hap filiali i bankës.
Nga të dhënat e deritanishme, flitet se dy grabitësit kanë qenë të maskuar me kapele. Ata kanë mbërritur pranë bankës me një motorr të vogël me shall.
Duke qenë se ka qenë ora 9 e mëngjesit ata kanë menduar se nuk kishte punonjës në bankë dhe prandaj kanë zgjedhur pikërisht këtë orar. Mirëpo alarmi ka rënë dhe i ka gjetur ata të papërgatitur.
Ata kanë lënë pistoletën brenda në ambjentet e Bankës dhe janë larguar me një shifër të parave të marra jashtë kasafortës. Sipas burimeve kasaforta e Bankës nuk është hapur dot nga grabitësit. Policia ka mbërritur në vendngjarje dhe ka sekuestruar kamerat e sigurisë për të zbardhur më shumë detaje rreth ngjarjes. (XH.A/SHUPLAKA)
Grabitja e Bankes ne Tirane tek 21 dhjetori by news-al
