Portieri i Kombëtares Shqiptare, Ertrit Berisha ka marrë sot dënimin përfundimtar nga ana e FIFA-së. Në ndeshjen e fundit kundër Izraelit, Berisha u ndëshkua me karton të kuq, për shkak të sjelljes antisportive në fushën e lojës.
Lojtari do të vuajë dy ndeshje pezullim me përfaqësuesen, duke filluar nga ndeshja e ardhshme me Italinë. Kjo do të jetë një mungesë shumë e rëndësishme për përfaqësuesen tonë, duke e ditur që prania e Berishës në portë jep një siguri më të madhe.
Përveç dy ndeshjeve pezullim portiere është ndëshkuar edhe me një gjobë prej 5 mijë frangash zviceriane. Ndërkohë që për sjellje të gabuar të tifozëve edhe FSHF-ja është ndëshkuar me një gjobë prej 10 mijë frangash. Lajmin e ka bërë të ditur vetë Federata Shqiptare e Futbollit. (E.K/ SHUPLAKA)
Discussion about this post