Gjykata e Shkallës së Parë Vlorë ka dhënë masën e sigurisë arrest me burg për shtetasin Edi Alikaj dhe kunatin e tij Hënes Dalipaj 30 vjeç.
Mbi Dalipajn rëndon akuza e bashkëpunimit në krim ndërsa për shtetasin Edi Alikaj, rëndon akuza ‘e vrasjes së mbetur në tentative me mjete prerëse’.
Alikaj ndodhet ende në spitalin e Vlorës ku po trajtohet me ndihmë mjeksore për shkak të plagëve të marra në fytyrë, si rezultat edhe masa për të u mbajt në këtë spital.
Dy shtetasit Edi Alikaj dhe Hënes Dalipaj, u përfshinë në një konflikt me tri punonjës të kompanisë ‘TIS PARK’ që menaxhon parkimet me pagesë në Vlorë. (MD/ SHUPLAKA)
