Lorik Cana që prej verës i ka dhënë lamtumirën Kombëtares Shqiptare të Futbollit si futbollist.
Por gjithsesi në FSHF e presin krahëhapur. Por kuptohet që nëse do të ketë një kthim të tij në kombëtare ai nuk do të jetë si futbollist por si teknik i kësaj skuadre.
Cana është i interesuar t’i hyjë karrierës së trajnerit dhe së fundmi ka filluar të pajiset me licensat e nevojshme të UEFA-s, shkruan Panorama.
Futbollisti për mometin i ka refuzuar ftesat që i janë bërë dhe nuk ka në plan të kthehet për një periudhë të afërt në kombëtaren kuq e zi. Cana mesa duket i ka sytë tek një skuadër tjetër.
Në një takim që organizuan drejtuesit e Olimpikut të Marsejës gjatë ditës së djeshme, Cana u shfaq përkrah emrave shumë të njohur si Papen, Angloma, Boli e të tjerë.
Ky takim i ka shërbyer atij për tu takuar edhe me pronarët e këtij klubi.Këta të fundit janë të hapur të bashkëpunojnë me figura që janë shumë të dashura për tifozërinë në “Velodrome”.
Për mediat vendase Cana ka rrëfyer se do të kthehet të jetojë në Marsejë.“Kam lidhje me shumë njerëz këtu, kam familjarët e mi dhe shumë miq. Unë e di që do të kthehen këtu herët a vone”, tha Cana.
Tani ngelet që të presim nëse Cana e ka binur apo jo presidentin Frenk Mekkurt që të jetë pranë klubit të tij në të ardhmen. (J.V/Shuplaka)
