Gjendje emergjente në qytetin rus, 41 persona humbin jetën, në vend të alkolit konsumuan locion trupi

Plot 41 persona kanë vdekur si pasojë e helmimit në Irkutsk të Rusisë, pasi ata kishin pirë locion dushi në përpjekje për të patur të njëjtin rezultat si me pijet alkoolike.

Sipas Washington Post, dhjetëra persona janë shtruar në spitalin e Irkutsk-ut, por fatkeqësisht 41 prej tyre kanë vdekur.

Si pasojë e kësaj ngjarjeje të rëndë, autoritetet ruse kanë shpallur gjendjen emergjente në këtë qytet.

Sipas Komitetit Federal Hetues, viktimat janë helmuar me locionin e quajtur Boyaryshnik.

Ata e kanë konsumuar këtë locion, pavarësisht se në etiketë thuhet që nuk është e lejuar.

“Një tragjedi e tmerrshme që kërkon vëmendje”, u shpreh në një deklaratë për mediat, zëdhënësi i Kremlinit, Dmitry Peskov. (D.D/Shuplaka)