“Ne vdesim në Aleppo, ju vdisni këtu”, momenti kur atentatori qëllon mbi ambasadorin rus (VIDEO)

“Dilni jashtë”. Kjo ishte britma e parë e atentatorit të ambasadorit rus në Ankara, Andrey Karlov. 

I armatosuri, një person i veshur mirë me kostum dhe kravatë, u dëgjua duke thirrur: “Ne vdesim në Aleppo, ju vdisni këtu! Allahu Ekber”.

“Ka të paktën tre persona të plagosur të cilët janë dërguar në spital”, tha televizioni turk NTV.

“Ai tha se unë nuk do të dalë i gjallë nga ky vend”, ka thënë sulmuesi, sipas një dëshmitari duke treguar se nuk do të dorëzohej.

Mediat turke raportojnë se atentatori është vrarë nga forcat e sigurisë, pas një përleshje me armë.

Siç shihet edhe në pamjet e publikuara nga mediat turke, policia dhe forcat e sigurisë kanë rrethuar vendin e ngjarjes dhe po mbajnë në kontroll situatën.

Sipas raportimeve më të fundit, kryeqyteti turk është kthyer në një shtetrrethim të vërtetë. (A.R/SHUPLAKA)