Shumë të rinj në këtë foto profesionistët e një prej televizioneve më të rëndësishëm në vend, ”Top Channel” që dje mbushi plot 15 vjet. Opinionisti Arben Vata e kujton atë ditë me këtë foto, duke shkruar:
Krenar që kam qenë për 6 vjet pjesë e asaj media, një shkollë e vërtetë profesionale në Shqipëri sa i takon medias vizive. Krenar për kolegët, me të cilët ndër vite kemi ndarë emocione pafund, ditë-netë punë të lodhshme dhe të gëzueshme, ngjarje që kanë lënë shenjë në tranzicionin ende të pambaruar shqiptar.
Falenderim për gjithësecilin prej stafit, që nga shoferët, kameramanët, montazhierët, grafistët, gazetarët dhe drejtuesit e tjerë të departamentit të informacionit.
Homazh në këtë ditë për DRITAN HOXHEN, njeri që krijoi këtë media, i dha frymë dhe formen e nje njeriu që ecën shpejt.
Shumë prej nesh (edhe këtyre që shihni në foto), nuk janë më pjesë e ”Top Channel”, por ”Top Channel” e Top Media është dashuria që mbetet, që nuk harrohet (Sigurisht nuk është dashuria e parë)
Kjo foto diku rreth vitit 2006 (më korrigjoni nëse gaboj), është fiksuar në News Room, ndoshta në një nga ato ditë kur ishim të detyruar që të këndonim këngën e vitit të ”Top Channel”. Në foto janë emrat e poshtëshënuar, ndërsa stafi i Top Channel ishte më i madh. (sidomos po të përfshihen edhe një numër i madh gazetarësh në rrethe). (V.G/SHUPLAKA)
Në foto: Sokol Balla, Mentor Kikia, Bledar Zaganjori, Arben Vata, Sali Juniku, Riza Bregasi, Denis Denis, Benet Benet, Endrit Sauku, Estela Ziu, Klodiana Kapo, Marin Mema, Erion Ylli, Elin Kadillari, Erion Todhe, Marin Mema, Taulant Kopliku, Nerion Beqiraj, Elis Kruja, Sokol Bregu, Mimiza Misaraj, Erina Matraxhiu, Ada Heqimi, Edlira Ruzi, R, E. Gajo, Holta Zhiti
Discussion about this post