Ditën e sotme, Prokuroria e Përgjithshme njoftoi se në kuadër të dekriminalizimit janë konstatuar fshehje të rekordeve kriminale në dy deputetë, Dashamir Tahiri i PD-së dhe Shkëlqim Selami i LSI-së.
Për këtë arsye, Prokuroria i është drejtuar KQZ-së për veprime të mëtejshme, siç janë heqja e mandateve.
Por largimi i dy deputetëve të Vlorës duket se është në favor të mazhorancës pasi në zgjedhjet e qershorit 2013, Dashamir Tahiri ka qenë në listën e PDIU-së. Kur kjo e fundit kaloi në krahun e mazhorancës, ai iu bashkua Partisë Demokratike.
Nëse Dashamir Tahiri dhe Shkëlqim Selami humbasin mandatet e deputetëve ata do të zëvendësohen nga Edmond Zejno i PDIU-së dhe nga Flamur Çelaj ose Katina Gogo të LSI-së. (A.R/SHUPLAKA)
Discussion about this post