”Vitin tjetër Çmimet Oscar do ndahen në Surrel”, ironia e hidhur e Andi Bejtjes këtë mëngjes

Këtë mëngjes Andi Bejtja ironizon keq atë që po ndodh me vendimarrjen në Shqipëri. Sipas analistit pas 25 vitesh tranzicion duhet të kthjellohemi e të shohim se çfarë po përjetojmë realisht. Ndërthurur me zhvillimete  fundit për Filarmoninë e Vjenës, Bejtja e çon larg fantazinë.

”I vetmi vend në botë që beson me fanatizëm se Filarmonia e Vjenës në 2 Janar do performojë në Tiranë…Vitin tjetër çmimet Oskar do ndahen në Surrel”, ironizon hidhur analisti.

”PAS 25 VITEVE TRANZICION..

Pas 25 viteve tranzicion, të kthjellohemi: ikin akoma dritat, jemi i vetmi vend në botë ku jepet shpërblim për Vitin e Ri për të blerë gjel, arnohen akoma çorapet e grave, i vetmi vend në botë ku shiten cigare të hapura dhe i vetmi vend në botë që beson me fanatizëm se Filarmonia e Vjenës në 2 Janar do performojë në Tiranë…Vitin tjetër çmimet Oskar do ndahen në Surrel dhe vitin tjetër pas këtij festivali i filmit të Kanës do zhvillohet te Sheshi Skënderbej, ku aktorët do marrin çmimet do rrëshkasin nëpër gungat e mermerit….”, shkruan sot analisti. (V.G/SHUPLAKA)