Presidenti i Republikës, Bujar Nishani dhe Zonja e Parë, Odeta Nishani kanë marrë pjesë në inagurimin e Tunelit të Euroazisë në Turqi. Kjo ftesë kreut të shtetit i ka ardhur nga presidenti turk, Recep Tayyp Erdogan dhe nga zonja e tij, Emine Erdogan. Bujar Nishani dhe gruaja e tij janë të ftuarit e nderit në këtë ceremoni.
Tuneli Euroazia kalon nën shtratin e detit dhe lidh pjesën evropiane me atë aziatike të qytetit të Stambollit në Turqi, një projekt madhështor ky që i jep zhvillim të mëtejshëm qytetit.
Ceremonia u ndoq nga shumë autoritete turke e të huaja dhe gjatë kësaj ceremonie presidenti Nishani zhvilloi biseda të shkurtra me presidentin e Turqisë, si dhe autoritetet e tjera turke e të huaja.
Presidenti Nishani do të vijojë vizitën zyrtare në kryeqytetin e Turqisë, Ankara, ku do të zhvillojë takime zyrtare me Presidentin, Kryeministrin dhe Kryetarin e Asamblesë së Madhe Kombëtare të Turqisë, si dhe do të vendosë një kurorë me lule në mauzoleumin e Mustafa Kemal Ataturkut. (J.V/Shuplaka)
Discussion about this post