Real Madrid merr një lajm të mrekullueshëm në prag festave, pasi Gjykata e Arbitrashit Sportiv në Zvicër ja ka ulur dënimin në lidhje me merkaton. Pasi ja pati ndalur mundësinë e transferimeve të klubit madrilen për një vit, por tashmë KAS ka vendosur që ti japë të drejtën Realit të transferjë futbollistë në merkaton e verës.
Mirëpo ky lajm nuk është pritur aspak mirë nga Barcelona, e cila po ashtu ka pasur një problem të tillë për tranasferimin e futbollistëve dy vite më parë dhe gjykata nuk u’a uli dënimin.
Ndaj nuk kanë hezituar të reagojnë publikisht për vendimin e KAS-it ndaj Realit të Madridit.
“Është e çuditshme ajo që ndodhi. Ne u detyruam të mos kryenim transferime dhe e bëmë dënimin tonë ashtu siç vendosi FIFA. Tani më duhet të bisedoj me avokatët e kësaj çështjeje.Edhe ne, edhe Reali u besuam të njëjtëve persona, por përfundimi është i ndryshëm. Në këtë histori ka diçka që nuk shkon dhe nuk më ka pëlqyer aspak fakti se si ndodhën gjërat. Nëse shkeljet dhe gabimet që kanë bërë skuadrat janë të njëjta, atëherë edhe dënimi duhet të ishte i njëjti”, ka thënë presidenti i Barcelonës, Josef Bartomeu.
Discussion about this post