Manjani shkarkon drejtorin e burgut të Durrësit: Të zbardhet e vërteta!

Ministri i Drejtësisë Ylli Manjani, ka reaguar pas arrestimit të drejtorit të burgut të Durrësit, Astrit Kotaj.

Ministri Manjani ka shkarkuar nga detyra Koten, i cili akuzohet për shpërdorim detyre dhe për falsifikimin e dokumentate për lirimin me kusht të të dënuarit për vrasje, Lulzim Berisha.

“Nxis prokurorinë për zbardhjen e të vërtetave që shqetësojnë opinionin publik”, ka thënë Manjani.

Prokuroria e Durrësit ka nxjerrë urdhër arresti edhe për juristin e burgut me iniciale T.L,  i cili është shpallur në kërkim nga policia.

Lirimi i ish kreut të Bandës së Durrësit solli shumë reagime të forta nga politika, mediat dhe opinioni publik. (D.D/Shuplaka)