Rama : Jozefinë, u bëre problem europian. Përgjigjen do ta merrni nga shqiptarët

Në replikën me ish-kryeparlamentaren Topalli, kryeministri Edi Rama iu drejtua me fjalët se është e vetmja që përmendet me emër në progres-raport për mënyrën e keqdrejtimit të Kuvendit: “Jozefinë je e vetmja me emër në raport-progesin në kohën kur drejtoje Kuvendin e Shqipërisë. U bëre problem europian për mënyrën si e drejtoje Kuvendin. Vjen këtu dhe thua ishe më mirë kur ishim më keq dhe kërkon llogari për plagët dhe pasojat e keqqeverisjes tuaj. Vjen e flet për varfërinë, a thua se varfëria lindi në 2013-ën.”

Më tej, kryeministri renditi arritjet e qeverisë përballë disfatave të qeverisjes së kaluar. Ai bëri me dije se me nisjen e vitit të ardhshëm do të nisë edhe lancimi i një program të ri investimesh.

“Po tu referohesh fakteve, flasin për ulje të varfërisë jo rritje. Faktet dhe raportet e organizatave ndërkombëtare flasin për rritje të punësimit. Patjetër që vendi ka papunësi. Ekonomia sot rritet midis 3-3.5%. Ju njoftoj se shumë shpejt do të lancojmë një program të ri investimesh. Jozefinë mbi 5% po të them.

Në tre vite resht janë kryer tre takime zyrtare të nivelit më të lartë. Jeni botërisht të njohur si “të humbur”. Me përkthime të gabuara thoni “Çohuni e brohorisni për ne”. Në asnjë sektor nuk bëhet dot krahasimi. E bukura është që vini këtu e nuk keni asnjë reflektim. Këtu do të jemi shumë shpejt dhe përgjigjen do ta merrni prapë nga shqiptarët. Nuk kthehet prapa Shqipëria dhe ju nuk e ndaloni dot. Do të vazhdojë të bëjë përpara me të gjitha sfidat.”, u shpreh Rama. (XH.A/SHUPLAKA)