Kushtetuesja rrëzoi opozitën, Rama: E vonuan por s’e ndalën dot Vettingun, të nisë spastrimi

Kryeministri Edi Rama ka reaguar menjëherë pas vendimit të Gjykatës Kushtetuese, e cila rrëzoi kërkesën e Partisë Demokratike për ligjin e Vettingut.

Në reagimin e tij, kreu i qeverisë shprehet se PD e votuan por nuk e ndalën dot ligjin e Vettingut që do të nisë zbatimin sa më parë, çka do i hapë rrugën çeljes së negociatave për anëtarësim.

“Sipas mediave Gjykata Kushtetuese rrëzon kërkesën e PD kundër Vetingut! E vonuan po s’e ndalën dot. Tani koha për të nisur zbatimin sa më parë! Të fillojmë spastrimin në Pallatin e Drejtësisë dhe të marrim datën për çeljen e negociatave për anëtarësim në BE.”, shkruan Rama.

PD paraqiti një ditë më parë kërkesën për rrëzimin e ligjit të Vettingut duke e cilësuar si antikushtetues. (XH.A/SHUPLAKA)