Sulmuesi Kombëtares Shqiptare të Futbollit, Azdren Llullaku që ditën e sotme është bërë pjesë e klubit kazak Astana.
28-vjeçari ka folur për “SuperSport” rreth transferimit të tij në kampionatin e Kazakistanit dhe refuzimin e Legias së Varshavës dhe Leh Poznan.
“Sinqerisht jam shumë i kënaqur edhe për zgjedhjen që bëra. E vendosa këtë klub së bashku me familjen. Kishte edhe opsione të tjera, por në fund zgjodhëm këtë sepse luan në Champions dhe Europa League. Jam shumë i lumtur që u finalizua transferimi im te Astana.
Kanë qenë disa skuadra në Turqi që shfaqën interes të madh. Ishin edhe Legia e Varshavës dhe Leh Poznan. Por, në fund zgjodha Astanën. Aty ishte edhe menaxheri Shkumbin Qormemeti dhe kjo ishte një kënaqësi edhe më e madhe për mua. Ai më ndihmoi dhe jam shumë i kënaqur.”
Llullaku ka folur dhe për çështjen e pagës, ku ai theksoi se njëra ndër arsyet pse zgjodhi Astanën ishte dhe ana ekonomike.
“Sinqerisht këto vite që kam luajtur në Rumani, niveli ekonomik nuk ishte shumë i lartë. Prej kontratës nuk kisha mundësi të ndryshoja ekip, edhe pse e kisha shansin të fitoja disa para më tepër. Në moshën 29-vjeçare duhet të shohësh edhe pak anën ekonomike.”
Transferimi te Astana
“Shpresoj që vazhdoj të shënoj me po kaq vazhdimësi, pasi kjo është e rëndësishme. Objektivi im është të qëndroj me këmbë në tokë dhe të vazhdoj edhe më mirë. Shpresoj ta ndihmoj ekipin me lojë dhe me gola.”
Champions League
“Ëndrra ime, ashtu si e të gjithë lojtarëve, ka qenë të luaj në aktivitetet më të rëndësishme. Astana ka fituar kampionatin dhe ka shansin të marrë pjesë në Champions. Për këtë do të punoj shumë, për të luajtur titullar dhe të aktivizohem në kupat e Europës.”
Discussion about this post