Simeone “injoron” Interin: Vështirë të gjej ekip më të mirë se Atletiko

Diego Simeone nuk e ka përjashtuar mundësinë e rinovimit tek Atletiko Madrid edhe pas vitit 2018.

Trajneri argjentinas në një intervistë për të përditshem spanjolle “Marca” tregoi ndër të tjera se kanë filluar ta shohin ndryshe që kur ai pranoi që një ditë mund të drejtojë Interin.

“Që në momentin që unë deklarova se një ditë do të drejtoj Interin, të gjithë më shohin ndryshe, larg Atletiko Madridit. Por unë ju garantoj se mund të rinovoj kontratën me klubin  spanjoll sepse është e vështirë të gjej një ekip më të mirë se Atletiko”.

Ndër të tjera tekniku Simeone tha se duhet të shfrytëzojmë sa më mirë futbollistët që ka në dispozicion për të pasur paraqitje pozitive.

 “ Frika se nuk arrijmë objektivat ekziston gjithnjë, por unë nuk shqetësohem aq shumë. Edhe fakti që nuk do të mund të bëjmë blerje nuk përbën ndonjë problem për mua, pasi jam mësuar me situatat e vështira. Ajo që ka rëndësi është që të shfrytëzojmë sa më mirë futbollistët që kemi në dispozicion”.