Blushi jep detaje nga interprelanca me Ramën: Ja ç’bënte “miushi” Braçe e shoqja e Ymer Lalës kur flisja unë (VIDEO)

Deputeti i LIBRA-s, Ben Blushi ka dhënë disa detaje të reja nga interpelanca e djeshme në seancë plenare mes tij dhe kryeministrit Edi Rama.

Sipas asaj që rrëfen Blushi, gjatë kohës që ai fliste, deputeti i PS-së Erjon Braçe ndërhynte nga vendi duke i ndërprerë fjalën, ndërkohë që ka edhe diçka për deputeten Blerina Gjylameti, të cilën e quan “shoqja e shokut Ymer Lala”.

Postimi në Facebook i Blushit:

“Edhe njëherë. Kjo është video që ka postuar shoku Edi, Vini, Visi dhe Veri në rrjetet socaile duke fshirë replikën time 2 minutëshe të fundit në Interpelancën e djeshme me shokun në fjalë. 
Ndërkohë nga grupi i PS si gjithmonë “miushi” Braçe ishte në krye të detyrës duke më lehur si këlysh përpara këmbëve në kërkim të një kore bukë, interesant ishte fakti se shoqja Blerina Gjylameti e shokut Ymer Lala më përqeshte nënbuzë sikur të ishte një personazh i Teatrit të Kukllave në rolin e “karagjozes”, për më shume shihni videon dhe më pas shpërndajeni, Faleminderit për mbështetjen tuaj!” (A.R/SHUPLAKA)