Presidenti i Rusisë, Vladimir Putin, ka përgëzuar homologun e tij sirian për çlirimin e qytetit Aleppo. Në një bisedë telefonike të zhvilluar me Bashar al-Assad, ai shprehu vlerësimin pozitiv për përfundimin e operacionit.
Lajmi u bë i ditur në një njoftim për mediat nga Kremlini zyrtar. “Ky sukses është bërë i mundur nga të gjithë ata që janë të angazhuar në luftën kundër terrorizmit. Objektivi tani është që të përqendrohemi në çështje që lidhen me zgjidhje paqësore të konfliktit, kryesisht duke gjetur një marrëveshje të përgjithshme”, mësohet të ketë thënë Putin.
Presidenti i Rusisë e cilëson çlirimin e qytetit sirian si një hap themelor për vendosjen e paqes.
