Marjan Levanti, autori i krimit të 3-fishtë shënuar mbrëmjen e djeshme në kryeqytet, ka pranuar autorësinë e plagosjes me thikë të tre personave dhe ka shfaqur pendesë.
Në dëshminë e tij në polici, ai ka deklaruar se shkak i veprimeve të tij është vërë familja e ish-gruas që nuk e lejonte të takohej me ish-bashkëshorten e tij.
“Ata më ndanë nga gruaja. Nuk më linin të takoja Elonën, i mbushën mendjen dhe asaj. Më ndaluan të takoja fëmijët pasi dola nga burgu. Për një gabim në 2013-ën më thonin “Kriminel” dhe “Burgaxhi”. U fsheha poshtë krevatit dhe prita sa erdhën në shtëpi.
Kemi qenë të martuar prej 2008-ës, kemi dy fëmijë. Jam penduar, më dënoni për atë që bëra”, ka thënë ndër të tjera ai për policinë.
Marjan Levanti plagosi me thikë ish-vjehrrin, ish-vjehrrën dhe ish-kunatin e tij. Ngjarja ndoddhi mbrëmjen e djeshme në zonën e “Unazës së Re” në Tiranë. (XH.A/SHUPLAKA)
