”Doing Business”: Shërbimi i energjisë elektrike në Shqipëri i përkeqësuar në 3 vite

Nga Ilir Sinanaj

Raportet ndërkombëtare që dalin për ecurinë e Shqipërisë hapin debat të madh politik; për mazhorancën për të mbrojtur ato që i konsiderojnë arritje ndërsa opozita ato që i konsideron si dështimi. Një nga këto është edhe raporti “Doing Business” i Bankës Botërore.

Ajo që pothuajse ka munguar si retorikën politike është një analizë ndërvite e nëntreguesve që përbëjnë rezultatin e renditjes së përgjithshme të vendeve të ndryshme në raportet “Doing Business” të Bankës Botërore. Një nga këto nëntregues është edhe marrja e shërbimit të energjisë elektrike. Nëse do të shohim raportet “Doing Business” gjatë 5 vite të fundit, vihet re se renditja botërore për marrjen e shërbimit të energjisë elektrike është përkeqësuar. Kjo vjen gjatë një kohe kur qeveria ka trumbetuar arritje në këtë sektor, duke rritur ndjeshëm edhe masat ndëshkimore, në mënyrë që vjedhja e energjisë elektrike të konsiderohet si një vepër penale. Gjithsesi ligji është ligj dhe duhet të zbatohet, por në kapitalizëm për pagesën që kryen duhet të marrësh edhe shërbimin e nevojshëm. Në Raportin “Doing Business 2013”, Shqipëria renditet në vendin 154 (nga 185) për sa i përket nëntreguesit të marrjes së energjisë elektrike, ndërsa në raportin “Doing Business 2017”, renditja e Shqipërisë është 156-ta (nga 190).

Ndërkaq për nëntreguesin e marrjes së energjisë elektrike, në raportin “Doing Business 2017” Shqipëria renditet në 5 vendit e fundit të kontinentit të Evropës (përfshirë këtu vende të bashkimit evropian dhe vende të ish-Bashkimit Sovjetik).

Për të përllogaritur një vlerësim të marrjes së shërbimit të energjisë elektrike në një vend, nga “Doing Business” bëhet një analizë e kohës që duhet për të lidhur një kontratë energjie elektrike, kohës dhe cilësisë së shtrirjes së rrjetit, transparenca e tarifave të energjisë elektrike, sa të sigurta janë lidhjet elektrike, si edhe një monitorim të mungesës dhe ndërprerjes së ikjes së energjisë elektrike.

[ngg_images source=”galleries” container_ids=”332″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]