Një shtetas kosovar ka humbur jetën në kufirin mes Hungarisë dhe Serbisë. Viktima është një 26 vjeçar nga Prishtina, me nënshtetësi gjermane, i cili ishte duke pritur të hynte në Serbi nga kufiri hungarez. Duhet thënë se në këtë pikë kufitarë ka një rradhë shumë të madhe emigrantësh që kthehen në tokën kosovare për festat e fundvitit.
Personi me inicialit E.B, ka rrëfyer për redaksinë e një portali online momentin e vdekjes së të riut në orët e para të ditës së sotme.
“Unë isha pas veturës së personit i cili ndërroj jetë në moment të pa pritur, aty ku ishim të gjithë duke pritur të hyjmë në kufirin serb. Në veturën me tabela gjermane e cila i takonte personit të ndjerë, ka dalë bashkudhëtari i tij i cili menjëherë ka sinjalizuar në panik se personi i cili ngiste veturën është në gjendje të rëndë shëndetësore, duke kërkuar ndihmë. Pasi kërkuan ndihmë tek autoritetet serbe që ishin aty pranë, ndihma e shpejtë ka ardhur gjysme ore me vonesë ku tanimë personi kishe ndërruar jetë”, ka rrëfyer E.B, për Indeksonline.Ministrisë së Punëve të Jashtme në Kosovë nuk është shprehur ende në lidhje me rastin. (E.K/SHUPLAKA)
Discussion about this post