Besnik Hasi është pranë rikthimit në kampionatin belge. Ish-kapiteni i Kombëtares shqiptare është kandidati kryesor për të marrë drejtimin e Racing Genk.
Besnik Hasi është i lirë për momentin pas largimit nga Legia e Varshavës në muajin shtator.
Nëse emërohet 44-vjeçari Hasi duhet t’i japë më tepër hapësira lojtarëve të rinj të akademisë së Genkut.
Me 10 ndeshje të mbetura deri në mbylljen e sezonit të rregullt dhe faktin që në klub ka pak optimizëm për të rikuperuar diferencën prej 9 pikësh nga vendi i gjashtë, i cili është pozicioni i fundit që lejon pjesëmarrjen në raundin ku përcaktohet fituesi i titullit, drejtuesit kërkojnë që tekniku shqiptar të përqendrohet në Kupën e Belgjikës dhe në Europa League.
Më herët Besnik Hasi ka drejtuar skuadrën e njohur belge Anderlecht duke fituar edhe tituj të ndryshëm. (A.R/SHUPLAKA)
Discussion about this post